BUTUAN CITY- Gipasidunggan sa Philippine Normal University sa digring Doctor in Physical Education and Sports, Honoris Causa, ang kanhi kampeon sa natad sa boxing nga si Manny Pacquiao niadtong Miyerkules, Setyembre 16.
Gihatag ang nasangpit nga pasidungog atol sa ika-125 Founding Anniversary sa universidad isip pag-ila sa dakong ambag niini sa paugnat sa kusog ug paghatag insipirasyon sa kabataang pilipino.
Sa pamahayag niini, gipa-ambit ni Pacquiao nga ang disiplina ug mga leksyon nga iyang nakuha gikan sa paugnat sa kusog nakatabang kaniya nga maningkamot pag-ayo ug atubangon ang mga hagit sa kinabuhi.
Gipahayag usab sa kampiyon nga ang tinuod nga edukasyon angay nga magpalambo sa kinaiya, pagpangulo, ug pagkatawo sa usa ka indibidwal.
Gi-awhag usab ni Pacquiao ang mga kabataang Pilipino nga padayong magdamgo og dako, pagkamapahi-ubsanon, ug gamiton ang kalampusan aron makatabang sa kapwa.
