BUTUAN CITY – Gikumpirma ni Banga, South Cotabato Mayor Albert Palencia nga gipusil-patay sa usa ka 16-anyos nga lalaki ang duha ka estudyante ug mi-angol sa laing walo pa ka mga estudyante sa Banga national High School, kaganina adiser kini gikatahong mihunos sa iyang kaugalingong kinabuhi.
Sigon ni Mayor Palencia, ang duha ka namatay, pulos 14-anyos samtang upat sa walo ka mga angol ang anaa sa kritikal nga kahimtang ug padayon nga gitambalan.
Sa gipagawas nga sulat-pamahayag sa Department of Education o DepEd, hugot silang nabalaka sa insidente nga nahitabo kaganinang hapon sulod sa Banga National High School dayong butyag nga prayoridad nila ang kaluwasan ug kaayohan sa mga estudyante, magtutudlo ug ubang personnel sa eskwelahan.
Gidugang sa ahensya nga nakigtambayayong na sila sa mga otoridad aron makuha ang tukmang mga detalye sa insidente ug mahatagan og gikinahanglang suporta ang mga naapektuhan.
Gihangyo usab sa DepEd ang publiko nga magpabiling kalmado ug likayan ang pagpakaylap sa wala pa mapamatud-ang impormasyon samtang nagpadayon ang imbestigasyon.
Sumala pa ni Mayor Palencia, gisultihan matud pa sa gunman ang iyang mga higala nga mu-uli na tungod kay human sa paniudto, iyang ipatuman ang iyang plano.
Samtang gipadayag usab ni South Cotabato Governor Reynaldo Tamayo Jr, ila nang gitun-an sa probinsyal nga panggamhanan ang mga himuong lakang aron dili na ma-usab pa sa ilang lalawigan ang maong kremin.
Kini na ang ikatulong makamatay nga insidente sa pagpamusil sulod sa usa ka eskwelahan sa Pilipinas sukad niadtong Hunyo ning tuiga.
