BUTUAN CITY – Nakuha sa Team Pilipinas ang bronze medal human gipildi sa defending champion nga Japan sa score nga 0-2, sa semifinals sa women’s team event alang sa Soft Tennis sa nagpadayong 20th Asian Games nga gipahigayon sa Nagoya, Japan.
Sa unang duwa, napildi ang Philippine pair nga sila Princess Catindig ug Noelle Manalac batok sa Japanese players nga sila Kiho Miyamae ug Rio Maeda, samtang sa ikaduhang duwa napildi usab si Christy Sanosa batok kang Ayaka Iwakura hinungdan nga napakyas ang Pilipinas pag-abot sa finals, ug nakasiguro na og bronze medal human makasulod sa semifinals.
Kini usab ang unang medalya sa Pilipinas sa Soft Tennis sa kasaysayan sa Asian Games.
Sa preliminary round, nakadaog ang Pilipinas batok sa Mongolia, 3-0, ug Thailand, 2-1, apan napildi sa Chinese Taipei, 0-3.
