-- ADVERTISEMENT --
BUTUAN CITY – Gipasinati sa Japan ang dili makalimtang opisyal nga pagbukas sa 20th Asian Games Aichi-Nagoya 2026 pinaagi sa usa ka mabulukon ug masanag nga opening ceremony kagabii didto sa Mizuho Park Athletic Stadium sa Nagoya.
Gideklara ni Japanese Emperor Naruhito nga opisyal nang abli ang dula, diin misalmot sa Parade of Nations ang mga atleta gikan sa 45 ka nasod ug rehiyon sa Asya.
Gipangunahan nila Olympic boxing bronze medalist Aira Villegas ug weightlifter Albert Ian delos Santos ang Philippine delegation isip mga flag bearers.
Kapin 400 ka Filipino athletes ang makigbisog sa nagkalain-laing mga sport events sa 16-adlaw nga kompetisyon nga matapos sa October 4.
