BUTUAN CITY – Gisupak sa Defense counsel nga si Atty. Justin Gular ang pag-ila ug authentication sa mga corporate documents sa Pikimong Pikimong Philippines ug sa JTC Group of Companies nga gihikyad sa House Prosecution panel sa day 27 sa impeachment trial batuk kang Vice President Sara Duterte.
Sigon sa depensa, kaniadto pa gikonsiderang irrelevant ang mga dokumentong duna’y kalabutan sa duha ka mga kompanya human nga wala’y matumbok nga koneksyon niini tali sa bise presidente.
Bisan pa man, misugot ang depensa nga i-stipulate ang pag-ila ug ang authentication sa mga dokumento sa uban pang korporasyon aron mapaspasan ang proceedings.
Samtang mi-apela usab si Atty. Gular human gibutyag ni private prosecutor Atty. Erwin Matib nga kanunay mudaog si Vice President Sara Duterte isip director sa usa ka kumpanya.
Dihang gipangutana ni Matib ang witness nga si Gerardo Del Rosario sa Securities and Exchange Commission (SEC) kung kinsa ang mupili sa mga membro sa board of directors, gibutyag sa witness nga ang mga director, pilion sa mga shareholders.
Dugang ni del Rosario, gikinahanglan ang eleksyon alang sa pagpili sa mga director.
Migawas pa sa mga corporate records sa Metro City Chow Foods Corporation nga apil si Vice President Sara Duterte sa mga incorporators sa maong kompanya ug nahimong director usab dihang kini gitukod.
Base sa gihikyad nga mga dokumento sa impeachment trial, duna usa’y subscription si Duterte sa authorized capital sa korporasyon kondiin nasuta nga gibayaran niya ang iyang subscription.
