BUTUAN CITY- Hugot nga gikondina sa Department of Information and Communications Technology ang insidente sa pagpamusil sa Banga National High School sa South Cotabato, nga nagresulta sa pagkamatay sa tulo ka indibidwal ug daghang angol.
Pag-insistar sa deprtamento, ang unsa mang kapintasan walay lugar sulod ug gawas sa mga tunghaan ug prayoridad ang kaluwasan sa mga mag-tutungha, maestra ug staff sa mga eskwelahan.
Nagtuo si DICT Secretary Henry Rhoel Aguda nga kinahanglan nang kabalaka ang mga kapintasang nasinati sa mga kabataan.
Knahanglan matud pang hugot ga mabantayan ang mga ‘online groups’ nga nagpasi-ugda sa ‘violent extremist contents’ dungan sa nagkadako na niining hulga.
Saigon pa sa Secretary, dili lang simple nga hisgutanan ang ‘screen time’ kundi kalabot na sa kaluwasan sa publiko ug mga bata.
Gisisguro usab niini nga mopahigayon ang ahensya og mga lakang aron matubag ang isyu.
Gi-awhag usab ni Aguda ang publiko nga likayan ang pag-repost o i-share ang mga videos, hulagway ug mga contents nga adunay kalabotan sa maong insidente.
