BUTUAN CITY – Gi-angkon ni France Castro, kanhi representante sa Alliance of Concerned Teachers kon ACT Teachers Partylist nga tinguha usab nilang ma-usab ang voting threshold sa pagkonbikto ni Vice President Sara Duterte nga nag-atubang sa impeachment complaints.
Sigon ni Castro sa pakighinabi ning sibyahan, dili patas ugaling apilon og ihap ang boto sa mga senador nga wala maka-participate sa impeachment trial sama sa mga napriso nga senador.
Apan gipahayag usab niining mas maayu gihapong mapabilin sa 16 ang voting threshold tungod kay ugaling mausab kini, seguradong dunay magpasaka og kwestiyon niini sa korte suprema.
Samtang giklaro usab ni Atty. Sonny Matula, Presidente sa Federation of Free Workers nga ang Korte Suprema gihapon ang katapusang mag-interpret sa voting threshold.
Sigon ni Matula nga duna’y kapasikaran ang tinguha nga usabon ang threshold diin ang pagdisesyon niini, duna’y discretion ang impeachment court.
Apan gipaklaro sa abogado nga tungod kay balaod kini, ang korte suprema gihapon ang katapusang sangputanan sa pag-interpret niini.
