BUTUAN CITY- Nagpanamastamas ang bagyong Dujuan duol sa Tokyo, Japan nga mingresulta og halapad nga pagbaha, landslide, ug pagkalangay sa byahe nga nag-obliga sa kapin 1.6 milyon ka residente nga mingbakwit gikan sa ilang mga panimalay.
Ang maong bagyo adunay gikusgon sa hangin nga 144 kilometros kada oras samtang minglihok kini sa 130 kilometro sa habagatang Katsuura, hinungdan nga nawad-an og kuryente ang liboan ka panimalay ug duha ka tao ang kinumpirmang patay base sa taho sa mga awtoridad.
Tungod sa grabe nga daot nga panahon, nagpabiling kanselado ang kapin 270 ka biyahe sa mga nag-unang airline, gawas sa pagpahunong sa operasyon sa pipila ka tren lakip ang bullet train nga nagkonekt sa Tokyo ug Osaka.
Sumala sa Japan Meteorological Agency kon JMA, hinay-hinay nang minglayo ang bagyo padulong Aleutian Islands kaganihang buntag apan nagpabilin gihapon ang hulga sa padayon nga pag-uwan ug posibleng paglapas sa rain volume nga kasagari average alang sa tibuok buwan sa Setyembre.
Epekto usab sa pagbaha ang pasapas nga paghunong sa snow sa kataposang adlaw niini, lakip na ang pagkansela sa usa ka dakong outdoor music festival ug usa ka baseball match sa Chiba.
Ang bagyong Dujuan ang ika-25 nga bagyo nga mingsulod sa Japan karung tuiga, kung asa kasagari makasinati ang nasud og kusog nga bagyo ugaling magkaduol ang pagtapos sa ting-init ug sinugdanan sa taglagas.
