BUTUAN CITY- Gipermahan na ni US President Donald Trump isip hingpit nga balaod ang usa ka halapad nga sanctions package batok sa Russia ug Iran nga gipasa sa Kongreso uban ang talagsaong suporta gikan sa duha ka nag-unang partido.
Gipanganlan og “Lindsey O Graham Sanctioning Russia and Iran Act of 2026,” diin target sa balaod si Russian President Vladimir Putin, mga tag-as nga opisyal, oligarchs, ingon man ang sektor sa enerhiya ug depensa sa Moscow.
Usa ka importanteng probisyon niini ang paghatag og gahom kang Trump nga magpahamtang og hangtud 100 porsyentong tariff sa lima ka pinakadaong pumapalit sa lana ug gas gikan sa Russia, ilabi na ang China ug India.
Gipasa ang balaod aron kunhoran ang pondo sa Kremlin alang sa giyera niini sa Ukraine ug pugson si Putin nga makignegosyar ubos sa maximum pressure.
Bisan paman gitawag kini ni Ukrainian President Volodymyr Zelenskyy nga usa ka powerful tool, mipasidaan usab si House Minority Leader Hakeem Jeffries nga posibleng moresulta kini sa pagsaka sa mga palaliton alang sa mga pamilyang Amerikano ang maong probisyon sa taripa.
