BUTUAN CITY- Gimando ni Italy Culture Minister Alessandro Giuli nga patas-an ang adlaw sa pagsira sa iladong Colosseum sa Italy, aron mahatagan og respeto ang namatay nga empleyado.
Nasayran nga natagak ang 22-anyos nga technician human mahulog sa mo-abot 10 metros samtang nagtaod og lighting system sulod sa ancient Roman arena.
Sumala pa sa Italian Culture Minister, gikatingala nila ug wala usab sila katuo sa maong panghitabo. Magpabiling sirado ang parte sa second tier sa Colosseum Archaeological Park kung asa nahitabo ang insidente aron mahatagan og dalan ang pagbangutan.
Na-ila isip sikat nga tourist attraction ug pinakadakong amphitheater sa Roman Empire ang Colosseum. Gibananag 2,000 ka tuig na ang minglabay dihang natukod ang Colosseum nga gihimo sa gladiator fights, execution ug animal hunt.
