BUTUAN CITY- Gidomina sa Gilas Pilipinas Women 3×3 ang Malaysia, sa skor nga 17-12, aron makompleto ang sweep sa group stage ug makasulod sa quarterfinals sa 2026 Asian Games kagahapong adlawa Miyerkules sa Kinjo Futo Station Square Venue sa Japan.
Nanguna si Kacey Dela Rosa nga nakapuntos og walo ka puntos ug nakakuha og pito ka rebounds, samtang nakadugang si Maria Pasilang og unom ka puntos ug pito ka rebounds. Human sa kadaugan, nahuman sa Gilas Women ang ilang kampanya sa Pool C nga walay kapildihan, 3-0, aron makasulod sa quarterfinals.
Sa ulahing bahin sa duwa, misidlak si Pasilang nga nakapuntos og sunod-sunod nga layup ug duha ka free throw aron maselyohan ang 17-12 nga kadaugan.
Misunod ang Gilas Women 3×3 sa ilang mga katugbang nga lalaki, kinsa naka-qualify usab sa quarterfinals human gipildi ang tanang kontra sa Pool A ug nakatala og susamang 3-0 nga rekord.
