BUTUAN CITY- Apektado ang presyo sa mga palaliton tungod sa bag-ong oil price hike, ilabina sa gasto sa transportasyon, produksyon ug agrikultura nga nagsalig sa petrolyo sa pagdala sa mga produkto gikan sa uma ug pabrika padulong sa mga merkado.
Sa presyo sa isda, bagdula tali sa 160 hangtod 200 pesos matag kilo ang bangus, 120 hangtod 150 pesos ang tilapia, samtang 180 hangtod 240 pesos ang galunggong depende kon lokal o imported.
Sa karne, nagdula tali sa P320 hangtod P400 matag kilo sa baboy, P180 hangtod P210 ang tibuok manok, samtang sa mga utanon, 80 hangtod 100 pesos ang batong ug talong; 80 hangtod 120 pesos ang pechay, repolyo ug sibuyas; 60 hangtod 90 pesos ang kamatis; ug 90 hangtod 130 pesos ang bombay.
Sumala sa konsumidor ug tag-iya sa gamay nga paresan nga si Abel Manansala, halos wala na silay ginansya tungod sa padayon nga pagsaka sa presyo sa mga palaliton ug petrolyo. Gilauman usab nga magpadayon ang pagsaka sa presyo sa petrolyo hangtod Disyembre, apan giseguro sa Department of Energy o DOE nga dili moabot sa 20 pesos kada litro ang dugang-presyo sa matag pag-usab niini.
