BUTUAN CITY – Gihisgutan ni Pangulong Ferdinand Marcos Jr. ug sa mga opisyal sa Singapore ang posibleng kooperasyon sa natad sa nuclear safety ug research isip kabahin sa pagtuon sa papel sa nuclear energy alang sa umalabot nga suplay sa elektrisidad sa duha ka nasud.
Kini human mibisita ang pangulo sa Singapore Nuclear Research and Safety Institute sa National University of Singapore, kondiin gihatagan siya og briefing kabahin sa radiochemistry, radiobiology ug nuclear safety.
Gilibot usab siya sa nagkalain-laing laboratoryo sa maong institusyon aron mas mailhan ang ilang mga pagtuon ug teknolohiya.
Tumong sa maong panaghisgot nga palig-onon ang pagbayloay sa kahibalo ug teknikal nga kapasidad sa nuclear regulation, pagpangandam sa emerhensiya ug komunikasyon sa publiko.
Gila-uman nga makatabang kini alang sa mas luwas ug responsable nga pagtuon sa mga bag-ong teknolohiya sa enerhiya sulod sa Association of Southeast Asian Nations o ASEAN, samtang gisusi sa Pilipinas ug Singapore ang posibleng papel sa nuclear energy sa ilang umaabot nga panginahanglan sa kuryente.
