BUTUAN CITY – Nagduso og petition for certiorari and urgent prayer ang grupong Liberal Youth ngadto sa Korte Suprema aron magpagawas og temporary restraining order batuk sa Republic Act 12326 nga nag-uktaba sa Barangay ug Sangguniang Kabataan Elections kon BSKE kansa orihinal nga gitakda sa Nobyembre 2 ning tuiga.
Sigon ni Hans Gabriel, vice chairperson sa maong grupo, dili matud pa makatarunganon ang gihimo sa administrasyong Marcos tungod kay mas gihimo na niining norm ang pagsuspende sa maong piliay inay nga ang eleksyon unta ang mahimong norm.
Giklaro pa ni Gabriel nga lahi ang ilang petisyon sa una nang giduso ni Atty Romulo Macalintal nga kanunay matud pa nilang gi-communicate. Kampante siya isip representante sa kabatan-unan nga impartial ang Korte Suprema dungan sa panghinaut nga ma-uyunan ang ilang petisyon.
Dugang pa ni Gabriel nga hugot nilang gibarugan ang pagpadayon sa eleksyon tungod kay makonsidera kining pagsulay sa ilang demokrasya ilabina nga usa ka batakang katungod ang pagbotar.
Kung tugutan matud pang magsige na lang og uktaba sa piliay, klaro kining tima-ilhan nga gipasagdan lang sa katawhan ang demokratikong proseso ug mas gipiling lapason ang atong katungod.
