BUTUAN CITY – Giklaro ni Irene Joy Ishida, Department Head sa Branch Operations sa Philippine Savings Bank, nga duna’y napulo ka mga bank accounts ang magti-ayong sila Vice President Sara Duterte ug bana niining Atty. Mans Carpio sa ilang bangko.
Ang maong mga bank accounts, duna’y sulod nga pipila ka milyon ka pisos apan wala na gitugutan ni Trial Presiding Officer, Sen. Chiz Escudero, nga ipakita sa public ang total kon kinatibuk-ang kantidad sa maong mga bank account.
Samtang gipresenta usab ni Atty. Niña Aguilar, head sa Anti-Money Laundering Division sa Metrobank, ang mga ending balance sa mga accounts nga naka-link kang Vice President Sara Duterte, sa iyang banang si Atty. Mans Carpio, ug sa ilang mga anak.
Gipakita ni Aguilar ang mga bank records sa ika-35 ka adlaw sa impeachment trial sa Vice President kansa kabahin sa presentasyon sa prosecution sa mga financial records nga duna’y kalabutan sa impeachment case subay sa ‘unexplained wealth’ kon wala gipasabot nga bahandi sa bise presidente.
