BUTUAN CITY – Tulo ka mga bata ug usa ka senior citizen ang patay samtang laing pito ang angol sa natigayong pagbusikad kaganinang buntag, (Dominggo), sa Barangay Sinamar, sa Isabela.
Ang mga menor de edad nga biktima nailang sila alyas Jim, Joe, ug Manny, samtang wala pa mailhi ang senior citizen.
Base sa inisyal nga imbestigasyon, nakit-an matud pa sa mga biktima ang usa ka wala pa mailhing butang ug ilang giduwaan sa wala pa mibuto.
Ang 8-anyos nga Grade 3 learner nga si Jim gidala sa ospital apan gideklarang patay samtang ang laing pito pa ka mga batang nasamdan gidala usab sa ospital aron matambalan.
Migawas sa imbestigasyon nga nakita sa usa ka silingan ang mga bata nga naglakaw pipila ka gutlo sa wala pa ang insidente nga gisundan na sa kusog nga pagbusikad ug nakit-an ang mga biktima nga nangalup-og na sa dalan.
Nagpa-abot na usab og pahasubo ang Sangguniang Kabataan o SK sa Barangay Sinamar ngadto sa mga pamilya sa mga biktima.
