BUTUAN CITY – Parehong nahadlok ang House prosecution panel ug si Antonio Trillanes IV rasong wala gidayon ang pagpatawag sa kanhi senador isip witness sa impeachment trial batuk kang Vice President Sara Duterte.
Sigon ni litigation lawyer Raymund Bato, nakita nilang tikangkang gayud sila tungod sa kawala’y bug-at nga ebidensiya ilabina kay nagpadayag og ka-andam ang defense panel sa himuong cross examination ugaling mu-atubang isip witness si Trillanes.
Kini matud pa ang rason nga imbes pamatud-an niya sa korte, nagbuhat na lang siya og trial by publicity, diin ang mga makumbinsi lang mao kadtong mga anti-Duterte ug mga bayaran.
Pangutana pa ni Atty. Batu, kung dili pa hinimo-himo ang gipangsulti ni Trillanes batuk sa mga Duterte ilabina ang dagkong kantidad nga nadawat matod pa sa maong pamilya gikan sa usa ka drug lord, dapat gipasaka na niya kini ngadto sa korte aron makabaton og patas nga pagtaral.
