BUTUAN CITY – Mitumaw ang nagpailang kanhi bodyguard ni kanhi House Speaker Lord Alan Velasco nga si PCorp Rodulfo Gracioso Jr. ug nagbulgar nga naghatud matud pa og mga minaletang kwarta ngadto nila Vice President Sara Duterte, kanhi Pangulong Rodrigo Duterte ug Davao First District Representative Paolo Duterte.
Sa usa ka interview, gipadayag niining sobra 2-bilyones pisos matud pa ang iyang nahatud sa kapin 20 ka higayon niyang paghatud sa mga minaletang kwarta.
Gidetalye ni Gracioso pinaagi sa affidavit ang paghatud sa mga maleta ngadto sa mga Duterte diin anaa sa 20-milyones pesos ang sulod sa matag-usa nga iya matud pang gihatud kini sa nagkada-iyang lugar sa Manila og sa Davao City.
Gibalikan pa niini ang unang higayon nga naghatud kini og kwarta ngadto kang Duterte base sa mando sa asawa ni Velasco diin duna pay higayon nga siya mismo ang miadto sa Davao aron maghatud sa kwarta.
Sa tuig 2021 matud pa, mi-abot sa tunga sa bilyones pesos ang gihatud matud pa niya sa balay ni VP Sara sa Davao City diin nangutana matud pa siya sa mahitungod sa kwarta.
Nagka-atubang usab matud pa sila ni Ramil Madriaga.
Sumala pa ni Gracioso nga sa kadaghan sa kwarta ni Velasco kinahanglan pa kini mopalit og unom ka balay aron lang kabutangan sa kwarta o cash houses.
Lakip sa maghatagan og kwarta ni Velasco si kanhi Ako Bicol Partyist representative Zaldy Co rasong ang ubang bodyguard niini kaila matud pa niya. Giangkon ni Gracioso nga duna siyay kasuko sa mga Velasco tungod kay gibalewala o wala siya gitabangan. Pamugos niini nga nagsulti siya sa tinood og wala siya gigamit sa kalaban sa mga Duterte.
Samtang gisusi na sa National Bureau of Investigation kon NBI ang background ni Gracioso nga karun anaa na sa ilang kustudiya.
Sigon ni NBI Director Melvin Matibag Midool matud pa sa ila kini pinaagi ni Father Flavie Villanueva diin ang affidavit nakaabot na karun ni Justice Secretary Fredderick Vida.
