BUTUAN CITY – Gikonsidera ni Jeffrey “Ka eric” Celiz, secretary general sa grupong Bangon Sambayanan nga usa ka makasusubong adlaw alang sa demokrasya ang nahitabo kagahapong adlawa human gi-uyunan sa majority sa mga senator-judges nga usbon ang voting threshold alang sa impeachment conviction kang Vice President Sara Duterte.
Sigon ni Celiz, makasusubo kini human gisupak sa senado ang batakang balaod taliwa nga tataw kaayo nga ang korte suprema lang ang dunay pinal nga kagahom pag-interpret sa balaod.
Gipakita matud pa sa mga senador nga sila na ang Korte Suprema nga daw sila na ang nagtakda sa balaod ug dili mismo ang balaod ilabina nga dili matud pa ordinaryong balaod ang ilang gisupak kundi ang pinakataas nga balaod sa yuta.
Tungod niini, nagpasabot lang nga wala nay balaod nga gisunod ang senado rasong wala na usab sila’y direksiyon sa karon.
Dugang pa ni Celis, tungod kay dunay oposisyon sa maong hisgutanan, dapat wala nagdisesyon ang impeachment court apan naghimo na hinuon og kaugalingong interpretasyon rason nga kinahanglan nang ipa-abot kini ngadto sa Korte Suprema ug magpaabot sa disesyon samtang nagpadayon sa pagtaral.
Mas delikado matud pa karun ang nahitabo tungod kay nahimong dekorasyon na lang ang batakang balaod.
Tungod niini, nalantawan ni Celis nga tungod sa desISyon kagahapong adlawa, segurado na matud pang makombikto ang besi presidente og panahon na lang ang gipa-abot.
Apan ang pagkakumbikto niini dili tungod sa ebidensiya apan tungod sa politika dayOng butyag nga tinguha sa administrasyon karun nga dili lang matangtang sa puwesto ang besi presidente kundi madid-an na siya sa pagdagan sa bisan unsang posisyon.
