BUTUAN CITY- Gipakusgan sa pwersa sa panggamhanan sa Yemen ang ilang operasyong militar human niini malamapusong gi-atake ang mga kampo ug supply line sa mga rebeldeng Houthi sa Probinsya sa Al-Bayda ug palibot sa estratehikong Bab al-Mandeb Strait.
Gawas sa mga airstrike ug artillery fire sa mga distrito sa Mokha, Dhubab, ug Khokha aron makuha pag-usab ang kontrol sa mga baybayon sa Red Sea, gipadayag usab sa militar na igo nila ang pipila ka reconnaissance ug attack drones sa grupo sa Taiz.
Tungod sa paggrabe na usab sa panagbangi sa Taiz, Al-Bayda, ug uban pang silingang probinsya, gitaho sa mga awtoridad nga kapin 95,000 ka sibilyan na ang napugos nga mobakwit gikan sa ilang mga panimalay aron makalikay sa kagubot.
Gikabalaka usab sa pangkalibotangong komunidad ang pag-atake sa importanteng agi-anan sa mga barko sa Bab al-Mandeb nga natigayon taliwa sa mas lapad nga tensyon sa Middle East, lakip ang pagpangandam sa Iran batok sa Estados Unidos ug Israel.
Laumang ipadayon sa panggamhanan sa Yemen ang ilang ground offensive sa mga rehiyong kontrolado sa mga rebelde aron i-mentinar ang seguridad ug kaluwasan sa international maritime trade sa lugar.
