BUTUAN CITY- Nagduso og kaso ang CNN, Politico ug MS NOW batok sa administrasyon ni US President Donald Trump human gibawi sa White House ang access sa ilang mga reporter, kinsa giakusahan sa presidente nga mga organisasyon sa pagmantala og mga “fiction or lies” bahin sa iyang administrasyon.
Sa hiniusang pahayag, gibutyag sa tulo ka media outlet nga ang ilang mga press credentials gibawi tungod sa ilang pagreport ug ilang gipangayo sa korte nga ideklarang supak sa Konstitusyon ang maong ban, ilabina sa First Amendment nga nagpanalipod sa kagawasan sa press.
Misalmot usab ang dagkong TV networks sama sa ABC, CBS, CNN, Fox News ug NBC sa pagsuspenso sa ilang pooled coverage sa mga kalihokan sa White House, human giingong gipugngan ang CNN sa paghimo og coverage sa pagbiyahe ni Trump ngadto sa New York alang sa United Nations General Assembly.
Samtang, gibatikos usab ni Trump ang mga media outlet ug gi-ingon nga ang mga organisasyon nga kanunay lamang mosulat og negatibo ug giingong bakak nga mga istorya dili angay hatagan og access sa White House.
