BUTUAN CITY – Gitugotan sa United States Supreme Court nga ipadayon ang execution sa Amerikanang si Christa Pike, human gibasura sa high court ang last-minute nga pagpahunong sa iyang execution.
Ang 50-anyos nga si Pike, gihukman og death penalty human makit-ang sad-an sa pagpatay sa 19-anyos nga si Colleen Slemmer niadtong 1995 sa Tennessee.
Nag-edad pa lang og 18-anyos si Pike sa panahon sa krimen kinsa gihukman niadtong tuig 1996.
Pipila lang ka oras sa wala pa ang gitakdang execution, nag-isyu og temporaryong pagpahunong sa execution ang US Court of Appeals 6th circuit.
Sigon sa mga abogado ni Pike, wala hingpit nga nadunggan sa jury ang mga impormasyon bahin sa iyang kasinatian sa pag-abuso ug sexual abuse sa iyang pagkabata, nga matud nila mahimong may kalabotan sa pagdesisyon sa silot.
Apan mi-apela ang Tennessee Attorney General’s Office sa US Supreme Court ug mihangyo nga bawion ang pagpahunong sa execution.
Sa desisyon sa high court, gibasura ang pagpabilin sa gi-isyu sa federal appeals court, busa nabuksan pag-usab ang dalan alang sa pagpadayon sa execution.
Tulo ka mahistrado nga sila justices Sonia sotomayor, Elena Kagan ug Ketanji Brown Jackson, ang misupak sa maong desisyon.
Samtang wala gi-aprubahan ni Tennessee Governor Bill Lee ang request ni Pike alang sa clemency.
Tungod niini, si Christa Pike unya ang unang babaye nga ma-execute sa Tennessee sulod sa dul-an 200 ka mga tuig, kung mapatuman na ang death sentence.
