BUTUAN CITY- Gisiguro sa Department of Agriculture kon DA sa publiko nga adunay igo nga suplay sa pagkaon ang nasud bisan pa sa hulga sa super El Niño sa mga mosunod nga buwan.
Sumala ni Agriculture Secretary Francisco Tiu Laurel Jr, nga nangandam ang gobyerno sa posibleng grabe nga epekto sa nasangpit nga super El Nino.
Importante usab matud pa nga mapuno og bugas ug humay ang mga bodega sa National Food Authority (NFA) ugaling mo-kunhod ang produksyon tungod sa El Niño nga adunay daghang buffer stock.
Pagklaro pa niini nga adunay pondo ang gobyerno aron madugangan ang fertilizers kung asa adunay pipila ka lugar nga daghay tubig. Laing lakang usab matud pa mao ang pagdugang og 65 ka bodega sa nagkalain-laing bahin sa nasod, nga naghimo sa kinatibuk-ang gidaghanon sa mga bodega sa tibuok nasod nga 364.
