BUTUAN CITY – Padayon ang hot-pursuit operation sa otoridad batuk sa suspek nga mipusil sa lalaking nag-inom dool sa may sabongan sa Purok 1, Barangay Linibunan, Madrid, Surigao del Sur kagahapon sa may alas 4:35 sa hapon.
Gi-ila sa kapulisan ang biktima nga si Rogerick Azarcon, 40-anyos dunay kapuyo og residente sa Purok-2 sa samang barangay.
Sa inisyal nga imbestigasyon nasuta nga ang biktima nag-inom sa ilimnong makahubog sa maong dapit dihang kalit mitunga ang suspek og gipusil kini rason nga daling gidala sa pinakadool nga ospital apan gideklara sa attending physician nga ead-on-arrival.
Pag-asoy pa sa mga saksi, ang wala pa na-ilang suspek usa ka lalaking taas og buhok, nagkalo, naka-jacket og nag-pantalon.
Human sa pagpamusil, daling misibat ang suspek padulong sa sabongan nga Galeria De Madrid.
Dali usab nga miresponde ang mga personahe gikan sa Madrid Municipal Police Station kauban sa Surigao Del Sur POlice Provincial Office ug padayong mihimo og follow-up operations, og hot-pursuit operations aron mailhan ang suspek, matud-an ang nahimutangan og ma-aresto.
