BUTUAN CITY– Mingbyahe sa Qatar si Iranian Foreign Minister Abbas Araghchi alang sa sunod-sunod nga konsultasyon kabahin sa pinakabag-ong kahimtang sa Middle East, adiser kini mopadulong sa New York aron motambong sa United Nations General Assembly.
Mibiya si Araghchi sa Tehran niadtong Domingo sa gabii ug mihunong sa Doha, kansa giila isip importanteng tigpataliwala tali sa Iran ug Estados Unidos, samtang gipadayon sa Tehran ang pagpakigsabot pinaagi sa mga mediator aron ipahibalo ang mga kondisyon sa pagtapos sa blockade sa estratehikong Strait of Hormuz.
Ang maong blockade nahimong sentrong isyu sa nagpadayong tensiyon human kini gibabagan sa Iran isip tubag sa mga pag-atake sa Estados Unidos ug Israel, diin gipangayo karon sa Tehran nga ang mga barko kinahanglan unang makakuha og permiso sa dili pa moagi sa maong agianan tungod sa mga isyu sa seguridad ug soberanya, lakip ang posibleng pagpataw og service fee sa mga molapas sa maong kondisyon.
Samtang, mitubag usab ang Estados Unidos pinaagi sa kaugalingong blockade sa mga pantalan sa Iran, samtang nagpabiling walay klarong resolusyon ang panagbangi tali sa duha ka nasod
