BUTUAN CITY – Napildi sa gihimong botasyon sa Senate impeachment court ang mosyon ni Senator-Judge Alan Peter Cayetano nga kinahanglan una nilang klarohon ug husayon ang legal nga basehan sa voting threshold sa dili pa mopadayon ang impeachment court sa pagbotar niini.
Sa botasyon karong Day 29, 13 ang misupak sa iyang mosyon, 6 ang mipabor, ug usa ang nag-abstain, busa napildi ang iyang apela ug gipadayon sa impeachment court ang proseso sa pagdetermina sa threshold.
Madumdumang gikuwestiyon ni Cayetano ang kagahom ug ang timing sa impeachment court, samtang gipamugos ni Senator-Judge Pia Cayetano nga ang Supreme Court, ug dili ang Senado, ang adunay gahum sa maong isyu.
Tungod niini, mipahibalo silang duha nga dili sila moapil sa botohay. Nagpadayag usab og kabalaka si Senator-Judge Imee Marcos ug miingon nga wala niya damha nga muabot siya sa punto nga iyang depensahan ang Konstitusyon nga gimugna batok sa kabilin sa iyang amahan.
Bisan pa sa sunod-sunod nga emosyonal nga mga panawagan ug legal nga mga protesta gikan sa kampo sa mga ka-alyado sa Bise Presidente, pormal gihapon nga ipadayon sa mayorya sa impeachment court ang pagtakda sa opisyal nga lagda alang sa botohay.
