-- ADVERTISEMENT --
BUTUAN CITY – Gikumpirma ni Michiko de Jesus, tigpamaba sa Butuan City government nga nasulod sa forest protection zone ning siyudad ang area sa Mt Mayapay ilalom sa zoning ordinance ug land use plan.
Tungod niini, wala’y si bisan kinsang gitugutan nga makatukod og permanenteng istraktura ilabina nga dugay nang gitan-aw sa city government ang area pinaagi sa gihimong site visitations ug area inspections sukad pa ning mi-aging tuig.
Sa eksklisbong pakighinabi sa Bombo Radyo Butuan, gipadayag sa opisyal nga ang hatagan nila og notice to vacate mao lamang kadtong istraktura nga permanente ilabina kadtong gama sa kongkreto sama sa naghimo og poultry farm, view decks ug uban pa.
