BUTUAN CITY – Gipangunahan mismo ni Butuan City Mayor Lawrence Lemuel Fortun kauban ang mga opisyal sa Brgy. ug gikan sa Department of Health, ang pormal nga pag-abli sa ikapito nga Main Health Center sa Brgy. Sumilihon.
Gipasabot sa mayor nga ang maong Health Center kumpleto sa mga personahe gikan sa Doktor, nurse, midwife, medtech, dentist og mga staff tungod kay usa man kini ka facility.
Tumong matud pa niini nga mapaduol ngadto sa katawhan ang serbisyong medikal nga ilang gikinahanglan. Prayoridad nga i-cater sa maong Main Health Center ang mga lumulopyo sa Brgy. Sumilihon, Los Angeles, Sto. Niño ug Baobaoan.
Giklaro usab sa Mayor nga sunod ablihan ang lain pang duha ka Main Health Center karong tuiga nga nahimutang sa Brgy. Lumbucan og Brgy. San Vicente. Diin target nga ablihan ang laing walo sa sunod tuig aron makompleto ang 17 ka mga district Health Facility.
Ang bag-ong pasilidad, maghanyag ang nagkalain-laing serbisyo sama sa Family Health Services alang sa maternal care, child care, adolescent health ug reproductive health, Oral and Dental Health, ug mga programa sa pagkontrol sa communicable diseases sama sa tuberculosis, diarrheal diseases, sexually transmitted diseases, leprosy ug schistosomiasis.
