BUTUAN CITY – Gikumpirma ni Arcy James Gonzales, Branch Manager sa Asia United Bank (AUB) Davao Toril Branch, nga duna’y duha ka aktibong bank accounts nga na-link kang Atty. Mans Carpio, bana ni Vice President Sara Duterte.
Kini human gipangutana ni private prosecutor James Bryan Alih si Gonzales kung pila ang accounts sa Vice President o sa iyang bana sa maong branch. Sigon sa testigo, upat ang kinatibuk-ang accounts, apan duha lang ang aktibo samtang ang uban, sirado na.
Base sa mga rekord nga gipresentar sa prosekusyon, ang duha ka account ni Carpio adunay ending balance nga kapin sa 456-mil pesos ug 867-mil pesos sa kataposan sa tuig 2024.
Pag-abot sa kataposan sa 2025, ang unang account wala nay nahibiling balanse, samtang ang ikaduhang account adunay kapin 871-mil pesos.
Ang maong mga testimonya kabahin sa alegasyon sa prosekusyon nga adunay mga bank accounts nga wala maapil sa Statements of Assets, Liabilities and Networth koN SALN ni Vice President Sara Duterte. Sumala sa prosekusyon, kapin 190 milyon pesos ang hiniusang ending balances sa mga account nga ilang gika-ingong konektado sa magti-ayon gikan sa tuig 2022 hangtod 2025.
