BUTUAN CITY – Suspendido ang klase sa tanang public elementary ug secondary schools karung adlawa sa tibook probinsiya sa Agusan Del Norte lakip na sa Butuan City subay sa sa selebrasyon sa World Teachers’ Day.
Samtang sa mga pribadong tunghaan, mamahimo usab silang magsuspinde sa klase pinasubay sa ilang mga palisiya ug kamanduan sa school administrators.
Niadtong Sabado, gisa-ulog na kini sa mga magtutudlo sa Agusan del Norte sa may FSUU Gymnasium dinhi sa Butuan City isip kabahin sa National Teachers’ Month 2026 nga nagdala sa tema nga “Teacher, Ikaw Naman.”
Ang maong kasa-ulugan, usa ka higayon aron ipakita ang pagpasalamat ug pag-ila sa dakong kontribusyon sa mga magtutudlo diha sa edukasyon ug sa paghulma sa kaugmaon sa mga kabataan.
Sentro sa maong selebrasyon ang Induction sa mga bag-ong napiling mga Parents and Teachers Association PTA Officers, paghatag og pag-ila sa mga magtutudlo nga niabot na sa 40, 35, 30, 25, ug 20 ka tuig sa pagpanerbisyo ingon man paghatag og pag-ila sa mga Teaching ug Non-teaching personnel.
Aduna usab raffle draws diin iPad gadget ang First Prize, cash prize nga nagkantidad sa P10,000, P7,000, ug P3,000, P1,000 ug P500.00, mga appliances, gift certificates, ug tag-singko ug 25-kilos nga bugas.
