BUTUAN CITY- Gihatagan og pag-ila sa Senado ang P-pop kings nga SB19.
Gipangunahan ni Senator Bam Aquino ang pagpasa sa Senate Resolution 545 isip pag-ilasa grupo tungod sa makasaysayanong pagperform sa maong grupo sa Lollapalooza music festival sa Chicago.
Sigon sa Senador, pila ka tuig nga paningkamot ingon man sakripisyo ug pagsalig sa kaugalingong musika ang nagdala aron ma-ila ang grupo sa laeng nasud.
Gihinumdom pa ni Senator Aquino ang pipila ka unang kanta sa grupo niadtong 2019 nga “Go Up”, nga gisundan sa mga kantang “Gento”, “Bazinga” ug “Crimzone”.
Niadtong Hulyo 30 nagperform ang SB19 sa Chicago kinsa pinaka-unang Pinoy nga minggawas sa Lollapalooza.
Una na usab gihatagan og pag-ula sa Senado ang P-pop girl group nga BINI human ang makasaysayong pagperform usab niini sa Coachella Valley Music and Arts Festival sa California niadtong Abril.
