BUTUAN CITY- Napulo ug usa ka entries sa Bombo Radyo Philippines ang nakasulod isip finalists sa nagkalain-laing kategorya sa 2026 KBP Golden Dove Awards, nga pagahimoon ugma, Septiyembre 30, alas-sais sa gabii.
Lakip sa mga finalist ang Bombo Radyo Iloilo alang sa Best AM Radio Station–Provincial, Star FM Manila alang sa Best FM Radio Station–Metro Manila, ug Star FM Bacolod alang sa Best FM Radio Station–Provincial.
Nakasulod usab sa Best Newscast–Metro Manila ang Bombo Network News, samtang ang Bombo Radyo CDO ug Bombo Radyo Iloilo magkompetensya sa Provincial category.
Lakip pa sa mga finalist ang Bombo Radyo Cebu alang sa Best Special Program, Bombo Radyo Koronadal alang sa Best Sports Program, Star FM Baguio alang sa Best Public Service Announcement, ug Bombo Radyo Roxas ug Star FM Baguio alang sa Best Radio Station Promotional Material.
Giila sa maong nominasyon ang mga entry sa Bombo Radyo Philippines kansa nagpakita sa padayong paningkamot sa paghatag og kalidad nga balita, broadcasting ug serbisyo publiko sa nagkalain-laing bahin sa nasud.
