BUTUAN CITY- Andam ang Commission on Elections sa unsa man ang mahimong desisyon sa Supreme Court kalabot sa petition nga mingkwestyon sa postponement sa Barangay ug Sangguniang Kabataan Elections kon BSKE.
Sumala ni Comelec chairman George Garcia, andam ang poll body sa aspeto sa budget ug operasyon ugaling magpagawas og ruling ang Supreme Court.
Bisan paman, sigon niini nga dili na madayon ang BSKE sa orihinal nga November 2 schedule tungod una nang gipahunong sa Comelec ang tanang election-related activities subay sa bag-ong balaod.
Samtang, ming-abot na sa P8 bilyon ang nagastos sa Comelec alang sa pagpangandam sa 2026 BSKE, lakip ang mga equipment, ballots ug manpower.
Sigon ni Garcia, posibleng gamiton sa sunod nag pinili-ay ang kadaghanan sa mga na-procure nga equipments , basta tipigan lang kini sa hustong paagi.
Ang dili magamit nga pondo sa BSKE possible gihapong i-gahin sa pagpangandam alang sa 2028 national elections.
Gikatakda usab nga mo-abot sa P29.5 bilyon ang proposed 2027 budget sa Comelec ubos sa national expenditure program, mas taas og 46 porsyento kumpara sa miaging allocation tungod sa pagpangandam alang sa 2028 elections.
