BUTUAN CITY- Nanawagan si Atty. Sheila Sison, lead counsel sa depensa ni Vice President Sara Duterte, sa impeachment court nga sigurohon ang fairness ug impartiality sa nagpadayon nga pagataral.
Sa iyang manifestation, gihisgutan ni Sison ang nahimong ruling sa Supreme Court sa Duterte vs. House Representatives nga bisan paman gihimo ang impeachment sa usa ka political environment, magpabilin kining constitutional ug legal process nga kinahanglang mosunod sa gitakda nga proseso sa ubos sa Saligang Batas.
Gi-inisistar ni Sison nga wala minglikay sa accountability si Vice President Duterte ug wala usab matud pa nabalaka sa mahimong resulta ng impeachment trial.
Bisan paman, sigon sa abogado nga ang gihangyo lang sa ilang kampo mao ang mga nag-unang garantiya sa usa ka patas ug walay gidapigan nga pagtaral. Sumala ni Sison, kinahanglang magpabilin ang katungod sa respondent nga mahurot ang tanang legal remedies nga available ubos sa balaod ug Konstitusyon.
Sa pagtapos niini, gi-insistar ni Sison nga kinahanglang mo-daog ang usa ka pagtaral nga “walay gidapigan o gikahadlokan” ug adunay baruganan alang sa usa ka makatarunganong pagtaral ug pagdesisyon.
