BUTUAN CITY – Sa iyang lig-on ug mapanghimara-utong pagpamulong sa United Nations, gisaway ni Iranian President Masoud Pezeshkian ang hulga sa Estados Unidos nga wagtangon ang ilang nasud.
Sigon ni Pezeshkian, ang bisan kinsa nga mosulay sa pagpanghadlok o pagpugos sa Iran kinahanglan makasabot nga andam ang iyang nasud sa dayalogo, diplomasya ug negosasyon, apan dili mudawat sa paggamit sa pwersa isip paagi sa paghusay sa mga panagbangi.
Samtang gibutyag usab ni US Secretary of State Marco Rubio nga ang pagkab-ot og kasabutan uban sa Iran magkinahanglan og taas ug padayon nga paningkamot, samtang nagpabilin usab nga anaa sa lamesa ang mga opsyong militar.
Gihulga usab ni Iran security chief Mohsen Rezaei ang mga nasud nga nagpatuman sa sanctions sa Estados Unidos batok sa mga airline companies sa Iran.
Pasidaan ni Rezaei, posibleng ma-apektuhan o mabalda ang operasyon sa mga airport sa maong mga nasud tungod sa ilang pagpatuman sa sanctions.
