BUTUAN CITY – Nangayo og dispensa ang Philippine National Volleyball Federation (PNVF) sa mga national athletes human gipadayag ni Alas Pilipinas Men’s Volleyball team captain Bryan Bagunas ang mga kalisdanan nga ilang nasinati, lakip na ang pag-abono sa ilang kaugalingong gasto.
Sigon sa PNVF personal nga nag-abono si President Frank Lao alang sa pipila ka dinaliang panginahanglan sa men’s national team, sama sa allowance, ticketing, ug visa requirements. Apan gi-angkon usab sa federation nga dili pa igo ang ilang nahimo aron matubag ang tanang panginahanglan sa mga atleta.
Samtang gibutyag usab sa Philippine Sports Commission (PSC) nga padayon silang mosuporta sa national team ug makigtambayayong sa PNVF aron masulbad ug matubag ang mga panginahanglan sa mga atleta.
