BUTUAN CITY- Mingplead og not guilty si kanhi Department of Public Works and Highways kon DPWH Bulacan First District Engineering Office Assistant Engineer Brice Hernandez ug unom pa niini ka-kaubanan sa graft case nga may kalabotan sa P77 milyon nga ghost flood control project sa Balagtas, Bulacan.
Si Hernandez, kauban ang mga co-accused nga sila Jaypee Mendoza, Arjay Domasig, Niño Lawrence Morales, Juanito Mendoza, Floralyn Simbulan ug Christina Mae Pineda, mihimo sa ilang plea atubangan sa Sandiganbayan Fifth Division kaganiha, Miyerkules.
Samtang wala pa ma-arraign ang tulo pa ka akusado nga sila si kanhi Ako Bicol party-list House appropriations panel chairperson Zaldy Co, ug ang mga staff niini nga sila John Paul Estrada ug Mark Tecsay, tungod padayon pa ang mga niini nga gipangita sa balaod.
Sumala sa mga prosecutor sa Ombudsman, gisugdan ang P77-milyon nga proyekto niadtong Pebrero 2025 ug giingong nahuman niadtong Mayo sa maong tuig, apan sa aktuwal nga inspeksyon sa lugar, nadiskobrehan nga walay mingtumaw nga maong proyekto.
Ang mga DPWH officials nga mipakita og not guilty plea anaa na sa detention tungod usab sa laing kasong malversation ug graft nga may kalabotan sa P92.8 milyon nga flood control project sa Pandi, Bulacan, diin nasuta usab nga walay pisikal nga estruktura sa proyekto.
