BUTUAN CITY – Desisyunan sa kadumalahan sa Pigdaulan National High School ning siyudad sa Butuan kung unsa nga silot nga ilang ipahamtang ngadto sa Grade 9 student nga nag-share og post sa social media nga naghupot og armas.
Sigon sa principal sa maong tunghaan nga si Aldin Hermocilla, nag-meeting na sila sa mga kaubanang magtutudlo kondiin nasuta nga nakalatid sa ilang school policy ang salaod nga nahimo sa maong Grade 9 student apan nanguha pa sila og mga ideya sa mga tag-as nga opisyal adiser magpagawas og desisyon.
Gikumpirma usab sa principal nga hugot na karung gi-imbestigahan sa kapulisan, kauban ang mga barangay officials, mga magtutudlo og personahe sa Butuan City Social Welfare and Development Department ang maong insidente.
Madumdumang nagsuspende gilayon sa ilang face-to-face classes ang maong tunghaan human nakita sa social media ang post sa maong estudyante nga nagkupot og armas.
Gihimo ang suspensyon tungod sa kabalaka ug isip lakang sa pag-amping ug pagsiguro sa kaluwasan sa mga estudyante ug personnel sa eskwelahan samtang ginasusi ang maong insidente.
