BUTUAN CITY – Naghatag og hinabang ang 4th Civil Military Operations kon 4th CMO ‘Kasaligan’ Battalion, Philippine Army ngadto sa pamilya sa napatay’ng lider sa rebeldeng New People’s Army nga si alyas Ka Rheda human siya gilubong niadtong Septembre 22 sa lungsod sa Tagoloan, Misamis Oriental.
Sigon ni TSgt Norlejan Palima, gipadayag matud pa sa ilang commander ang kaluoy niini ngadto sa na-ilong pamilya ni Ka Reda bisan pa og nahimo kining kaaway sa gobyerno tungod kay gipatunhay matud pa nila ang respeto ngadto sa mga wala’y labot sa insurhensiyang pakigbisog.
Dugang pa ni Palimar, mismong ang pwersa sa militar ang naghatud sa patay’ng lawas sa rebeldeng lider gikan sa ilang panimalay sa Sta Maria de la Candelaria hangtud na sa iyang paglubong.
Madumdumang namatay si Ka Rheda sa natigayong engkwentro pasado alas-5:00 sa kaadlawon niadtong Septembre 10, dihang nakasugat sa mga miyembro sa maong grupo ang mga sakop sa Special Force Team 14 “MOSSAD,” nga gipangunahan ni 1Lt Edgar Cardoza Jr nga naglusad niadtong higayuna og padayong joint military operation sa maong lugar.
Atol sa clearing operation, usa ka lalaking casualty ang unang narekober nga nailang si Johnny Almonte Lindayo alyas Kikoy o Bugkoy, kinsa gideklarang killed-in-action.
Samtang sa follow-up operation, tulo pa ka mga patay’ng lawas ang narekober sa operating team, lakip ang usa ka alyas “Rheda.”
Lain ang duha ka patay’ng lawas sa panig sa mga kaaway ang nadiskubrehan sa encounter site nga nailang sila Rochamae Bihag alyas Maki ug Gerald Basahon alyas Doydoy.
