BUTUAN CITY – Mas gipakusgan pa sa Department of Agriculture–Caraga ang mga lakang aron matubag ang epekto sa El Niño sa sektor sa agrikultura. Kini pinaagi sa pag-andam alang sa cloud seeding operations sa mga lugar nga grabeng naapektuhan sa kakulang sa ulan.
Lakip sa mga gipakita ang mga pormal nga hangyo alang sa cloud seeding ug ang pag-andam sa operasyon aron makatabang sa pagdugang sa ulan sa mga umahan ug uban pang agricultural areas.
Lakip niini ang joint area assessment alang sa pre-cloud seeding operation sa Dinagat Islands, ingon man ang pre-assessment alang sa Butuan City ug Agusan del Norte.
Pinaagi sa maong assessment, gisusi sa mga ahensya ug mga partner nga organisasyon ang kahimtang sa mga lugar ug ang posibilidad sa pagpatuman sa cloud seeding aron mapadaghan ang ulan ug makatabang sa mga komunidad nga nag-atubang sa epekto sa taas nga kainit ug kakulang sa tubig.
Samtang gipakita usab sa DA Caraga nga ang maong inisyatiba nagtumong sa pagpanalipod sa produksyon sa pagkaon ug panginabuhian sa mga mag-uuma, ilabina sa mga lugar nga apektado sa El Niño.
Ugaling kini mapatuman, ang dugang nga ulan mahimong makatabang sa paghatag og gikinahanglang kaumog sa yuta, pagsuporta sa mga pananom, ug pagpagaan sa kabalaka sa mga mag-uuma tungod sa huwaw ug kakulang sa tubig.
