BUTUAN CITY- Nahuman ang kampanya ni Alex Eala sa women’s singles sa 2026 Asian Games human kining gipildi sa Chinese player nga si Wang Xiyu sa tulo ka set sa skor nga 6-3, 3-6, 6-2.
Paspas nga nakakuha og momentum si Eala sa unang set ug ming-abot sa 5-0 ang bintaha niini. Gani, nakabawi usab si Xiyu aron mahimong 5-3 ang iskor, apan nagpabiling lig-on ang Pinay ug gisira ang set sa skor nga 6-3.
Sa ikaduhang set, nakuptan ni Xiyu ang momentum sa dula human ming-abante sa 5-1. Gisulayan pa ni Eala nga mobawi ug naka-uswag sa 5-3, apan hingpit nga nakuha sa Chinese player ang set, 6-3.
Sa deciding set, nakabintaha pag-usab si Xiyu, 4-1. Wala na usab nakapangita pa og pamaagi si Eala aron matabla ang away samtang padayon nga nahimong agresibo ang kalaban niini. Sa kataposan, gisira ni Xiyu ang deciding set, 6-2, aron makuha ang kadaogan.
Bisan paman wala makasulod sa finals, dili mo uli nga walay medalya si Eala human makab-ot ang bronze medal alang sa Pilipinas sa women’s singles tennis.
