BUTUAN CITY- Gipaabot sa Department of Health (DOH) ang pag-abot sa mga suplay sa bakuna, lakip na ang alang sa trangkaso ug human papillomavirus (HPV), karung Oktubre human sa mga paglangan sa procurement, sumala ni Bataan 2nd District Representative Albert Garcia.
Sigon ni Garcia niadtong Huwebes, Septyembre 24, ang paglangan sa pagpalit sa mga bakuna nalambigit sa bag-ong pag-ilis sa liderato sa DOH, samtang gibutyag ni BH party-list Representative Robert Nazal atol sa plenary deliberations sa budget sa DOH nga hangtod niadtong Septiyembre 24 wala pa’y available nga suplay sa flu vaccines, pipila ka mental health medicines ug HPV vaccines.
Matud ni Garcia, gipaspasan na sa bag-ong liderato sa DOH ug PhilHealth ang procurement, ug gilauman nga mahatod ang mga bakuna sa Oktubre.
Dugang pa ni Garcia, nagpahigayon usab ang DOH og fact-finding investigation kabahin sa mga bakunang na-expire, ug nasuta nga ang paglangan mas nalambigit sa proseso ug sa kapakyasan nga maapil ang pipila ka bakuna sa early procurement.
Subay niini, giseguro sa Health Secretary nga maapil na ang maong mga bakuna sa early procurement aron malikayan ang susamang problema sa sunod tuig.
