BUTUAN CITY- Gipalig-on sa Department of Health kon DOH ang Medical Assistance to Indigent and Financially Incapacitated Patients kon MAIFIP Program aron matabangan ang mga kabus nga dili makabayad sa ilang mga medical Expenses.
Gimandoan ni Executive Secretary Ralph Recto ang DOH nga makigkoordinar sa mga regional director ug partner hospitals aron mapamatud-an ang mga account payable ug mapadali ang pagproseso sa mga lehitimong claim.
Gamiton ang pondo alang sa bayranan sa ospital, tambal, emergency treatment, professional fees ug uban pang gikinahanglang medical expenses.
Alang sa 2026, P27.4 bilyon ang gigahin sa Department of Budget and Management alang sa pagpadayon sa MAIFIP, diin P19.145 bilyon alang sa DOH Centers for Health Development, P4.353 bilyon alang sa mga DOH hospital, ug dugang nga pondo alang sa mga espesyal nga medical institutions ug rehabilitation centers.
Sumala ni Recto, importante ang paspas nga pagproseso sa mga claim aron mapadayon sa mga ospital ang serbisyo ug mas dali matabangan ang mga pasyenteng nanginahanglan og dinaliang pag-atiman.
