BUTUAN CITY – Gipadayag sa Butuanong environmental science student nga si Christian Gerard Paler Berou nga dugay nang duna’y problema sa tuburan sa tubig ang dakbayan sa Butuan ilabina ang Taguibo watershed kansa maayong water source, tungod kay muhurutay na kini.
Sa eksklusibong pakighinabi sa Bombo Radyo Butuan, gipadayag niini nga kini ang rason nga angayan nang mangita ang lokal nga kagamhanan og lain nga water source nga ika-supply sa mga Butuanons kondiin wala’y labot niini ang ikatulong pinakadakong suba sa Pilipinas – ang Agusan River.
Gipasabot ni Berou nga dili ideal nga water quality standard ang Agusan River aron kunsumuhon sa pag-inom o kaha pagkaligo ugaling kini ang planong gamitong laing tuburan sa tubig isip alternatibo sa Taguibo River tungod kay gi-classify kini nga Class C – base na sa gilantaw nila nga mga parameters.
Apil niini ang kemikal, pisikal ingon man biological pollutants nga mahimong masagol sa body of water.
Iyang gipasabot nga ang body of water nga ma-classify isip class C dili tungod sa mga binuhatan sa mga tawo sa palibot sa suba kondili tungod usab sa mga nagakahitabo gikan sa taas nga tuburan sa tubig nga mi-abot sa maong suba isip catch basin niini.
