BUTUAN CITY- Gisiguro sa Philippine Sports Commission (PSC) nga ilang tabanagan si Pinay tennis star Alex Eala.
Kini subay sa sanctions nga posibleng atubangon ni Eala gikan sa Women’s Tennis Association (WTA) tungod sa pagpili niini nga magdula sa 20th Asian Games sa Japan kumpara sa China Open.
Sigon ni PSC chairman Patrick Gregorio, klaro nga ang maong away ni Eala alang sa nasud.
Dugang pa niini, nga husto lang matud pa nga sundogon ang Pinay tennis star tungod mas gipili niini nga irepresenta ang nasud.
Unang gi-anunsyo sa WTA nga pahamtangan si Eala og hangtud $10,000 kung dili kini magdula sa China Open kansa usa ka mandatory sa WTA 1000 event alang sa kababayen-an ug ATP 500 tournament usab alang sa mga kalalakin-an.
Target sa Pinay tennis star nga makakuha og bulwan nga medalya sa Asian Games tungod kataposang away niini sa Asian Games niadtong 2023 sa China naka-uli lang kini og bronze medal.
