BUTUAN CITY- Nagpadayag og suporta ang Department of Health (DOH) sa sugyot nga patas-an ang excise tax sa mga sweet beverages.
Sigon ni Finance Undersecretary Karlo Fermin Adriano, nga ang Pilipinas adunay pinaka-ubos nga excise tax sa mga carbonated beverages kumpara sa mga silingang nasud sa Southeast Asia.
Sa sugyot sa Department of Finance (DOF) target niining tas-an og P20 matag litro gikan sa kanhi P6 kada litro ang buwis sa mga tam-is nga ilimnon nga adunay ingredients nga caloric sweeteners samtang ang mga minggamit og high fructose corn syrup himuong P40 matag litro gikan sa kanhi P12 nga adunay yearly increased nga 5%.
Sumala usab sa DOH nga sa susamang paagi makunhoran ang mga pagkonsumo sa mga tam-is nga ilimnon kansa mahimong hinungdan sa pagsaka sa kaso sa diabetes.
