BUTUAN CITY- Natala ang ‘very unhealthy’ nga lebel sa kalidad sa hangin sa pipila ka parte sa Metro Manila kagahapong adlawa Miyerkules, nunot sa padayon nga transboundary haze nga posibleng may kalabotan sa natigayong sunog sa Indonesia.
Sumala sa Environmental Management Bureau (EMB) sa Department of Environment and Natural Resources (DENR), namatikdan ang taas nga lebel sa PM2.5 nga mingtumbok sa pinong particulate matter nga adunay sukod nga 2.5 micrometers sa pipila ka parte sa National Capital Region (NCR).
Pipila sa mga areas nga natala nga adunay “very unhealthy” nga lebel sa kalidad sa hangin mao ang Caloocan (University of the East), Las Piñas, Muntinlupa (Parang), Muntinlupa (Filinvest City), Parañaque (Don Bosco) ug Parañaque
Samtang, nakatala usab ang mga lugar sa AQI nga anaa tali sa 101 ug 150, kansa lakip sa lebel nga dili usab luwas nga hangin labi na sa mga sensitibong grupo sama sa mga bata, mabdos, ug mga edaran na.
Lakip usab sa mga apektadong lugar ang lungsod sa Mandaluyong, Manila, Marikina (Parang), Navotas, Pasay, Pateros, Quezon City (Ateneo), San Juan City, Taguig (Technological University of the Philippines or TUP), lakip usab ang Valenzuela.
Gipahimangnuan usab sa DENR-EMB nga kung pwede kunhoran ang mga aktibidad sa gawas ug magsul-ob og mask sama sa N95 isip pag-igmat.
