BUTUAN CITY – Proud ug malipayon gihapon si Butuanon rhythmic gymnast Breanna Labadan, bisan og wala siya makakuha og medalya sa final sa women’s individual all-around rhythmic gymnastics sa 20th Asian Games nga gipahigayon sa Japan kagabii human nga nabutang siya sa ika-10 nga pwesto sa iskor nga 95.450 puntos.
Sa eksklusibong pakighinabi sa Bombo Radyo Butuan, gipadayag ni Breanna nga malipayon usab siya sa iyang performance tungod kay sa iyang ribbon apparatus lang siya nagkaproblema hinungdan nga wala siya makadugang og medalya alang sa Team Philippines.
Sa pagkakaron, mubakasyon una siya ka-uban ang iyang mga ginikanan ug mga igsoon adiser subling magbansay alang sa pipila na usab ka international competitions nga himuon sunod tuig.
Apil niini ang World Cup, Southeast Asia kon SEA Games nga himuon sa Malaysia.
Nagpasalamat siya sa tanang misuporta sa iyang journey, win-or-lose, ilabina sa iyang pamilya nga mituyo lang pag-adto sa Japan kagahapon aron tan-awon ang iyang performance.
Nanawagan usab kini sa tanan nga mangandoy og taas ug paningkamutan uban sa determinasyon tungod kay sigurado matud pang makuha ang ilang mga damgo sama kaniya.
