BUTUAN CITY- Gipangandaman na sa House Prosecution panel ang gikatakdang oral arguments kalabot sa hisgutanang 2/3-vote threshold sa nagpadayon nga impeachment trial batok kang Vice President Sara Duterte.
Mopahigayon og oral arguments ang Senate Impeachment Court sunod simana kung asa gi-imbitaran niini ang mga retiradong mahistrado sa Korte Suprema aron maghatag og katin-awan sa husto nga pagkwenta sa 2/3 vote gikan sa kinatibuk-ang miyembro sa Senado, partikular na alang sa mga senador nga wala nakilakip sa pagtaral.
Sumala ni Atty. Hez Montalan, Deputy Spokesperson sa House Prosecution panel, hugot nga gisusi sa ilang legal team ang tanang adunay kalabotan sa balaod ug jurisprudence nga ilang i-presentar sa korte.
Gipadayag sa abogado nga pabor ang kampo sa prosecution nga utrohon ang denominator gikan sa kinatibuk-ang 24 ka senador ug iphon lamang ang mga aktibong naklakip sa trial, bisan paman respituhon gihapon matud pa nila ang mahimong final desisyon sa impeachment court.
Samtang, gibarugan usab sa House panel nga importante ang pagpatawag kang Davao City Mayor Baste Duterte human gi-aprbahan sa impeachment court ang pagpadala og subpoena alang sa pag-atubang nini sunod simana.
Klarohon matud pa sa panel sa alkalde ang mga rekord sa negosyo sa Bise Presidente nga anaa ilawom sa Office of the City Mayor, ug klaruhon nga ang pagpatawag niini base sa opisyal nga kapasidad ug walay kalabotan sa pagka-iguon sa duha.
