BUTUAN CITY – Gikumpirma ni House Prosecutor ug Bicol Saro Party-list Rep. Terry Ridon nga nadawat na niini ang Show Cause Order sa Senate Impeachment Court may kalabotan sa posibleng paglapas sa sub judice rule.
Sigon ni Ridon, girespeto niini ang gahum sa Senate Impeachment Court ug gisubmite na niini kagahapong adlawa ang iyang tubag. Apan gipahayag ni Ridon nga padayon niining pangunahan ang pagpasabot sa impeachment trial sa ikaduhang artikulo sa Impeachment may kalabotan sa Unexplained Wealth ni Vice President Sara Duterte.
Sumala pa ni Ridon nga padayon niining ipasabot ang dagan sa impeachment ni VP Sara sa pamaagi nga masabtan sa katawhan ug mahisubay sa balaod sa impeachment court.
Naglaom usab si Ridon na mahimong patas ang pagpapatuman sub judice rule, diin tun-an usab ang mga pamahayag ni VP Sara nga makonsiderang pagpangatake sa integridad sa impeachment court ug mga senator-judges.
Gikumpirma usab sa congressman nga gawas kaniya gipadalhan usab og show cause order sa Impeachment Court si House Private Prosecutor ug legal Spokesperson Atty. Benjamin Jay Tolosa Jr.
